Prezidente APFTL, Zaulino GOmes da Silva

Deklarasaun husi SEDPAC, Osorio Florindo Da Conceição Costa katak APFTL Uza edifisiu Refere hodi tein, toka muzika, soe fo’er arbiru no rame rame toba to’o ema seluk tama servisu mos APFTL sei toba hela, "...uma estadu ita labele tein iha laran, labele toka muzika iha laran, labele soe fo’er arbiru iha laran, ne’e ne’e la bele, ita tenki ho digno ita labele rame rame toba iha laran, to’o dadersan ema seluk tama servisu sira sei toba hela iha laran ne’e ne’e hau hanoin ne’e ne’e informasaun mai husi kantor sira hasoru malu…” (hanesan hato'o iha Media GMN TV iha dia 1 de Junho 2018àhttps://www.youtube.com/watch?v=H7k0jo5q09E&pbjreload=10.

 

Hatan ba ida ne’e, APFTL la menta no rejeita deklarasaun refere, Porta Voz, Zaulino Gomes da Silva liu husi konferensia imprensa hato’o ba publiku katak, APFTL rekonese kona ba saida mak APFTL halo hanesan informa ona ba SEDPAC liu husi karta ofisial ba Diretor Geral SEDPAC no CC ba Sekretario Estadu rasik, iha dia 30 de Abril 2018 ho Nùmeru Referensia: 2018/APFTL/IV/058 kona ba desentendimentu entre benifisiariu ba edifisiu refere, maibe APFTL la hetan resposta ruma to’o ohin loron no SEDPAC mos hasai deklarasaun ba Publiku la imparsial ka rona deit husi parte balu.

 

APFTL rekonhese saida mak apftl halo, hanesan informasaun ne’ebe maka apftl informa ona ba iha SEDPAC liu husi karta formal iha loron 30 fulan abril 2018 ho no.ref:2018/apftl/iv/058, maibé karta refere seidauk hetan resposta to agora no sedpac rasik hasai ona informasaun ne’ebe maka la imparsial hanesan deklarasaun ne’ebe mak sedpac  hasai iha media GMN.TV.”

 

Tuir komunikadu Imprensa ne’e katak APFTL hanesan organizasaun voluntariu, imparsial no independenti ho nia prinsipiu SIVISMU, ATIVISMU no VOLUNTARISMU ne’ebe mak prontu atu husik fatin refere bazeia ba Despaixu SEDPAC ne’ebe ho razaun fundamentu no APFTL prontu atu halo dialogu iha tempu sa deit.

 

APFTL husu ba SEDPAC hodi asesu informasaun kona ba APFTL liu husi kargu Xefia sira iha SEDPAC, APFTL mos husu ba entidade governu sira atu konsidera kontribuisaun foinsa’e sira nian liu husi inisiativa no talentu foinsa’e sira nian no husu atu entidade governu hotu tenki hatudu maturidade iha desizaun no linguajen, hodi labele hamosu dezentendimentu ba publiku.

 

APFTL husu ba SEDPAC, Osorio Florindo Da Conceicao Costa hodi husu reltoriu atividade ba kargu chefia sira iha sedpac hodi hetan informasaun kona-ba APFTL, atu respeita no konsidera jovens sira nia kontribuisoens iha prosesu dezenvolvimentu nasionàl, atraves uza rasik sira nia talentu, kreatividade, rekursu no ideias inovativu no konstrutivu no ba entidades governu sira bainhira atu hasai desizaun hodi halo deklarasaun hotu tenki hatudu ita nia maturidade iha desizaun no linguajem, hodi nune’e labele hamosu dezentendimentu ba públiku” , Lamenta Porta voz APFTL, Zaulino Gomes.

 

Liu husi Konferensia Imprensa ne’e hateten katak  SEDPAC, Osorio Florindo Da Conceicao Costa lahala’o nia obrigasaun no responsabilidade nu’udar membru governu ida ba juventude hanesan hatur ona iha artigu 19 hosi Konstituisaun Repùblika Demokràtika Timor-Leste.

 

Konferensia da Imprensa ne’e partisipa husi Membru APFTL no media hanesan Tafara.tl, Timor-Post no GMN.TV, iha Sede APFTL Bekora, Cristo-Rei Dili, Timor-Leste, 4 de Junho 2018. Mìdia APFTL.

Leave a comment

Filtered HTML

  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <blockquote> <code> <ul> <ol> <li> <dl> <dt> <dd>
  • Lines and paragraphs break automatically.

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.