APFTL Partisipa Konferensia Rejional Asia for the People Conference 2025 iha Jakarta Indonesia

Iha loron, 4-5 Outubru 2025, membru Alumni Parlamentu Foinsa’e Timor-Leste [APFTL] hamutuk ho  Parseiru Oxfam iha Timor-Leste no FONGTIL hodi partisipa iha Konferénsia Rejional “Asia for the People Conference 2025” (#AFPC) ho tema “Harnessing Southeast Asia’s Greatest Resources.” Ne’ebé organiza husi Foreign Policy Community of Indonesia (#FPCI).

Iha Konferensia Rejional ida ne’e, Komisaun Organizadora estabelese sesaun prinsipal no eventu paralelu sira ne’ebé fornese oportunidade ba partisipante sira atu aprende, diskuti, no fahe koñesimentu ho malu — inklui Oxfam ho nia parseiru sira, organizasaun sosiedade sivil, grupu foinsa’e emprendedór sira, sentru peskiza, instituisaun akadémiku, no péritu sira husi nasaun-11 iha ASEAN.

Asuntu sira ne’ebé fó énfaze iha eventu loron rua nian mak hanesan: mudansa klimatika, governasaun rai no sustenta sistema ai-han, oinsa atu habelar emprendedór nudar forsa ekonomia ida iha Azia Sudeste, governasaun, asuntu sosial, polítika no seguransa, no desafiu sira ne’ebé nasaun membru ASEAN enfrenta.

Hafoin remata konferénsia iha Jakarta, APFTL ho Matadalan Institutu (MDI) hamutuk ho Parseiru Internasional Oxfam iha Timor-Leste, kontinua hala’o Vizita ba organizasaun Plastik Detox iha Bali.Organizasaun ida ne’e, iha esperiénsia boot iha área permakultura, produsaun adubu orgániku, no dezenvolvimentu embalajen inovativu ne’ebé susténtavel no promove ekoturizmu.

Iha vizita ne’e, APFTL & Oxfam iha Timor-Leste no Mata Dalan Institute - MDI partilha esperiénsia kona-ba servisu sira ne’ebé halo iha Timor-Leste, hanesan envolvimentu foinsa’e iha agrikultura, emprendedorizmu no peskiza. Interkámbiu ne’e mos fó oportunidade atu aprende hosi esperiénsia Plastik Detox iha promove susténtablidade no inovasaun iha nível komunidade. (kutip   Page. Oxfam in Timor-leste)

APFTL agradese tebes tanba bele hola parte iha konferensia regionál no interkambiu ho organizasaun sira husi nasaun mak hanesan: Brunei, Cambodia, Indonézia, Laos, Malaysia, Myanmar, Filipina, Singapore, Thailand, Viet Nam, no Timor-Leste.

Atividade ne’e, hola parte husi Projetu HAKFOUN ne’ebé hetan suporta finansiamentu husi #DFAT liu husi Programa #PROSIVU.

#AFPC2025 #ASEANTimorLeste #CSOsAndYouthEngagement #DetoxPlastik

#JovenAtivuSaudavelProdutivuKompetitivuOrgulluNuudarTimorOan